Microsoft Lab nədir?

Microsoft Lab innovasiya sahələri üzrə tətbiqi layihələrin və prototiplərin hazırlanması məkanıdır. Lab-ın əsas məqsədi tədris və tətbiq arasında körpü yaradaraq, Əşyaların interneti və digər innovativ texnologiyalar əsasında prototiplərin yaradılmasına və layihə təkliflərinin icrasına gənc mütəxəssislərin və startapların cəlb edilməsidir.

Lab innovativ mühit rolunu oynayır. Burada dövlət və özəl təşkilatların təqdim etdikləri real layihə təklifləri və ideyaları əsasında proqramçılar və startaplar tərəfindən prototiplər və real layihələr yaradılacaqdır. Lab tərəfindən hazırlanan prototiplərin biznesdə tətbiq edilməsi məqsədilə layihələrə dəstək veriləcəkdir. İKT LAB-ın bazasında yaradılan Microsoft laboratoriyada proqramçır, mühəndislər, data təlimlər, mütəxəssislərin sertifikasiyası həyata keçiriləcəkdir.

Microsoft Lab Nəqliyyat, Rabitə və Yüksək Texnologiyalar Nazirliyinin İnformasiya-Kommunikasiya Texnologiyalarının Tətbiqi və Tədrisi Mərkəzi (İKT LAB) və Microsoft şirkətinin Azərbaycan nümayəndəliyi arasında imzalanmış əməkdaşlıq memorandumuna əsasən yaradılmışdır.





Microsoft Lab-ın iş prinsipi

Layihə sifariş et

  • İnnovativ layihə təkliflərinizi bildirin
  • Prototip hazırlanmasını bizə həvalə edin

  • Layihə icra et

  • Təqdim edilmiş senarilər əsasında prototip hazırla
  • Öz layihənizi Lab-da icra edin
  • Lab xidmətləri

  • Təlim, mentorluq və sertifikasiya
  • Prototip hazırlanmasına dəstək
  • Networking və həllərin təqdim edilməsi
  • Xidmətlər:

    Layihələr sifariş et:

  • Microsoft Lab-da reallaşdırılması mümkün olan İoT, Süni intellekt, Maşın öyrətməsi, Kibertəhlükəsizlik, Biznes prosesslərin Avtomatlaşdırılması və uyğun həllərin hazırlanması, verilənlərin intellektual təhlili, proqnozlaşdırılması və vizuallaşdırılması, kibertəhlükəsizlik və s. İstiqamətində layihə təklifləriniz (İoT senari) varsa, sorğu anketi vasitəsilə bizə bildirin. Biz öz növbəmizdə təkliflər əsasında mütəxəssislər ilə bu layihənin texniki şərtlərini hazırlayıb, proqramçılar və İT startaplar tərəfindən laboratoriyada prototiplər hazırlayaq.

  • Layihələr icra et:

  • Siz innovativ ideyaları və Microsoft Lab-da reallaşdırmağı arzuladığınız layihələri olan startap, proqramçılar və ya bu sahə üzrə mütəxəssissiz. Sizin öz layihə ideyanız var və yaxud bizim bazada olan ideyalardan hər hansı birini icra etmək niyyətindəsiz. Bu halda Siz Microsoft Lab-da fəaliyyət göstərərək, burada təqdim edilən xidmətlərdən istifadə edərək layihənizi reallaşdıra bilərsiz. Biz bu layihələrin kommersiyalaşdırılmasına dəstək göstərəcəyik. Həmçinin, prototiplərin hazırlanmasında, networking və həllərin təqdim edilməsində peşəkar mütəxəssislərimizin xidmətlərindən istifadə edəcəksiz.

  • Təlimlər:

  • Peşəkar təlimçilərin və mentorların köməkliyi ilə öz mentorluq qabiliyyətinizi, proqramlaşdırma və digər sahələr üzrə bilik və bacarıqlarınızı artırın.