Rəqəmsal İnkişaf və Nəqliyyat Nazirliyinin təşəbbüsü ilə ödənişsiz informasiya texnologiyaları (İT) təlimləri regionlarda davam etdirilir. Bölgələrdə gənclərin bu sahədə bilik və bacarıqlarının artırılması məqsədilə təşkil edilən “İT texnik” təlimində iştirak təqaüd proqramı əsasında olacaq.
Təlimlər “İKT LAB” Tətbiq və Tədris Mərkəzi Zaqatala, Mingəçevir, Şamaxı, Gəncə və Şəki şəhərlərində yerləşən tədris mərkəzlərində keçiriləcək. Digər regionlardan olan şəxslərin dərslərə onlayn qoşulmaq imkanı olacaq. Fevral ayında başlayan təlim 3 ay müddətində davam edəcək.
Kursu uğurla bitirənlər Rəqəmsal İnkişaf və Nəqliyyat Nazirliyinin “İKT LAB” Tətbiq və Tədris Mərkəzinin sertifikatı ilə təltif olunacaqlar.
Təlimlərdə iştirak üçün 3 fevral tarixinədək bu link vasitəsilə qeydiyyatdan keçmək lazımdır.
Təlimlər Rəqəmsal İnkişaf və Nəqliyyat Nazirliyinin, UNESCO təşkilatının və UNESCO üzrə Azərbaycan Respublikasının Milli Komissiyasının dəstəyi, “Aztelekom” MMC-nin tərəfdaşlığı ilə “İKT LAB” Tətbiq və Tədris Mərkəzi tərəfindən “Gənc İT peşəkarlar” layihəsi çərçivəsində təşkil olunur.
